· O obxectivo é mellorar a seguridade viaria en camiños de Moruxo, Bergondo, Cortiñán, Lubre, Guísamo, Rois e Santa Marta de Babío.
· O prazo para presentar ofertas finaliza o 16 de abril.
O Concello de Bergondo sacou a licitación un contrato valorado en 37.000 euros para a execución de 21 redutores de velocidade, tipo lombo de asno, co obxectivo de mellorar a seguridade viaria en camiños de Moruxo, Bergondo, Cortiñán, Lubre, Guísamo, Rois e Santa Marta de Babío.
Así, instalaranse en 4 camiños de Moruxo (2 camiños e na Pedrosa e o parque infantil), en 3 de Bergondo (Bergondiño, Mariñán e Lavandeira), en 2 de Cortiñán (Vos Curros e Ou Casal), en 1 de Lubre (Armuño), en 3 de Guísamo (A Brea, Sampaio e Pedras Brancas), en 1 de Rois e en 2 de Santa Marta de Babío (Antiga AC-170 e Aldea de Arriba).
Unha vez instalados estes, procederase a instalar a sinalización vertical para alertar da súa presenza. O prazo para presentar ofertas no perfil de contratante municipal finaliza o 16 de abril.
